അക്കരപ്പച്ച

ഒന്നും തോന്നുന്നില്ല. അന്ധകാരക്കുഴി പോലെ ശൂന്യമാണ് മനസ്സ്.ഒരു ലക്ഷ്യവും കാണാനാകുന്നില്ല. അകലെയെവിടെയോ കുളിർകാറ്റ് വീശുന്നുവോ, കളകളാരവം തീർക്കും കാട്ടുചോലയുടെ തീരത്തെ പൂമര കൊമ്പത്തിരുന്നൊരു പൈങ്കിളി പാടുന്നുവോ,ഉണ്ടാവില്ല.മരീചിക പോലെ മാഞ്ഞുപോകുന്ന സ്വപ്നമായിരിക്കും. നിസംഗത,വിമുഖത, സർവത്ര വിരക്തി, സദാ പ്രകടമാകുന്ന ആലസ്യം, വിരസമായ ദിനരാത്രങ്ങൾ, വേദനയൂറും പേശികൾ, ഒഴുകുന്ന സ്നേഹമായി അകലത്തു നിന്നമ്മ കാതിലോതും വാത്സല്യ വാക്കുകൾ..ബാക്കിയെല്ലാം ഊറ്റി പിഴിഞ്ഞു വാങ്ങിയിട്ടാണവരെനിക്ക്‌ കുബ്ബൂസ് വാങ്ങാനുള്ള കാശു തരുന്നത്...